საქართველოს პარლამენტის თავმჯდომარე შალვა პაპუაშვილი ირაკლი ღარიბაშვილის მიერ კარლ ჰარცელისთვის ევროკომისიის კითხვარის გადაცემას ეხმაურება და აღნიშნავს, რომ ეს არის კიდევ ერთი წინ გადადგმული ნაბიჯი საქართველოს ევროკავშირში საბოლოოდ გაწევრიანებისაკენ.
„საქართველო-ევროკავშირის ისტორია ჩვენს თვალწინ იწერება ჩვენი მომავალი თაობებისთვის. პრემიერ-მინისტრმა ირაკლი ღარიბაშვილმა შევსებული კითხვარი უკვე გადასცა ევროკავშირის ელჩს, ბ-ნ, კარლ ჰარცელს, რაც კიდევ ერთი წინ გადადგმული ნაბიჯია საქართველოს ევროკავშირში საბოლოოდ გაწევრიანებისკენ. მადლიერი ვარ ყველა იმ ადამიანის მიმართ, ვინც ამ პროცესში საკუთარი წვლილი შეიტანა“, – წერს შალვა პაპუაშვილი.
საქართველოს პრემიერ-მინისტრმა ირაკლი ღარიბაშვილმა, მთავრობის ადმინისტრაციაში, ევროკავშირის წარმომადგენლობის ხელმძღვანელს კარლ ჰარცელს ევროკომისიის კითხვარის პირველი ნაწილი გადასცა, რომელიც ქვეყანამ უკვე შეავსო.
🇬🇪🇪🇺History is being written in front of us for our future generations. PM Gharibashvili @GharibashviliGe handed the filled questionnaire to the EU Ambassador @CarlHartzellEU – another step towards Georgia’s ultimate EU membership. Grateful to all who contributed to this process. pic.twitter.com/tIhsFcOtYa
— Shalva Papuashvili 🇬🇪 (@shpapuashvili) May 2, 2022