შიმშილობა, აქციები, ეს ყველაფერი გვინახავს, მაგრამ არსებობს უფრო რადიკალური ნაბიჯები, რომლებიც გადასადგმელია, – ამის შესახებ „გირჩის“ ლიდერმა, იაგო ხვიჩიამ განაცხადა.
„ამ შემთხვევაში ქაოსი დაიწყება ქართულ პოლიტიკურ სივრცეში და ყველა პოლიტიკური ძალისთვის გაჩნდება შანსი. ეს შანსი იქნება „ნაციონალური მოძრაობის” ლიდერებისთვისაც. ეს შანსი არის „ქართული ოცნებისთვის” მტრის ხატის, „ნაციონალური მოძრაობის“ წართმევა, ახლა „ნაციონალურ მოძრაობას” იყენებენ როგორც ინსტრუმენტს ქართველი ხალხის წინააღმდეგ არჩევნების მოსაგებად.
ამ პირობებში „ქართული ოცნება” არ ყოფილა, როცა მას არ ჰყავდა მტრის ხატად „ნაციონალური მოძრაობა”, ის ყველა არჩევნებს ამით იგებდა, მოდით, ვცადოთ, ერთხელ მაინც ჩავატაროთ არჩევნები, სადაც „ქართულ ოცნებას” ასეთი მტრის ხატი არ აქვს და „ნაციონალური მოძრაობა” არჩევნებში თავის 5 ნომრით არ მონაწილეობს. ეს ხომ აქამდე არ გვიცდია“, – განაცხადა ხვიჩიამ.
მიხელ სააკაშვილის ოჯახის წევრები მსჯავრდებული ყოფილი პრეზიდენტის საზღვარგარეთ სამკურნალო დაწესებულებაში გადაყვანის მოთხოვნით პერმანენტულ აქციებს გეგმავენ.