დღეს ექსპრეზიდენტი მიხეილ სააკაშვილი რუსთავის პენიტენციურ დაწესებულებაში “ნაციონალური მოძრაობის” წევრმა, ეკა ხერხეულიძემ მოინახულა.
მოგვიანებით მან სააკაშვილის ჯანმრთელობის მდგომარეობაზე ისაუბრა და აღნიშნა, რომ ის კვლავ უცვლელად მძიმე და კრიტიკულია:
“მისი ჯანმრთელობის მდგომარეობა არის უცვლელად მძიმე და კრიტიკული. მას ისევ აქვს სიცხე და წონაში ყოველდღიურად იკლებს. მორიგე ექიმი უწევს მეთვალყურეობას, მაგრამ ეს საკმარისი არ არის.
თუ გვინდა, რომ ადამიანი გადარჩეს, ერთადერთი გამოსავალია ქვეყნიდან გაყვანა და შესაბამისი მკურნალობა. საქართველოში მისი აბსოლუტური გამოჯანმრთელება შეუძლებელია”, – თქვა ხერხეულიძემ.
კომენტარები