ჩინური ტექნოლოგიური კომპანიები რუსულ ბაზარს ტოვებენ, მაგრამ ამის შესახებ საჯაროდ არ აცხადებენ. ამის შესახებ საკუთარ წყაროებზე დაყრდნობით გამოცემა The Wall Street Journal-ი წერს.
გამოცემის წყაროები ასეთ კომპანიებს შორის ასახელებენ კომპიუტერების მწარმოებელ კომპანია Lenovo-ს და ელექტრონიკისა და სმარტფონების მწარმოებელ Xiaomi-ს.
დასავლური კომპანიებისგან განსხვავებით, ჩინური ბიზნესი თავს არიდებს საჯარო განცხადებებს მიწოდებების შეზღუდვის ან რუსეთის უკრაინაში შეჭრის შესახებ, ვინაიდან ოფიციალური პეკინი რუსეთისთვის დაწესებულ დასავლურ სანქციებს ეწინააღმდეგება.
WSJ-ის ინფორმაციით, მარტში რუსეთში ჩინური ტექნოლოგიური პროდუქციის ექსპორტი თებერვალთან შედარებით საგრძნობლად შემცირდა. ლეპტოპების მიწოდება 40%-ით შემცირდა, სმარტფონების კი – ორი მესამედით.
კომენტარები