ყველა, ვინც სამხედრო საკითხში ჩახედულია, ხვდება, რომ მობილიზაციის შემთხვევაშიც შეიძლება ეს არ იყოს რუსეთის წარმატების საფუძველი, მაგრამ იყოს საფუძველი ამ ომის კიდევ უფრო გახანგრძლივების, – ამის შესახებ „ჯეოქეისის“ თავდაცვისა და უსაფრთხოების მიმართულების დირექტორმა, გიორგი ანთაძემ „ქრონიკაში“ განაცხადა.
„ერთადერთი, რაც ვიცით, მკაფიო მარცხის აღიარება და მიღება პუტინისთვის არის დაუშვებელი მოცემულობა. ამიტომ ის ყველაფერს გააკეთებს, რომ ეს ომი გახანგრძლივდეს, პოლიტიკურ ველში შეეცადოს კიდევ გარკვეული სახის ვაჭრობებს, რადგან საბრძოლო სივრცეში ბევრი ოფცია დარჩენილი არ აქვთ რუსებს, თუ ბირთვულ კომპონენტს არ შემოიტანენ რიტორიკაში, ხელშესახები, რეალური არაფერი აქვთ. მაგრამ გახანგრძლივებული ომი შეიძლება იყოს სპეკულირების საგანი უკრაინასთან და დანარჩენ სამყაროსთან მიმართებაში“, – განაცხადა გიორგი ანთაძემ.