ჰონგ-კონგის ადმინისტრაციის ლიდერად ჯონ ლი აირჩიეს. ამის შესახებ AFP იტყობინება.
სააგენტოს ცნობით, 64 წლის ლი ერთადერთი კანდიდატი იყო. ის უსაფრთხოების საკითხებში ყოფილი მდივანია. ის პეკინისადმი ლოიალური კომიტეტის წევრებმა 1 416 ხმით აირჩიეს. ჰონგ-კონგის საარჩევნო რეფორმის თანახმად, ახალ ლიდერს ამომრჩეველთა კოლეგია ირჩევს, რომელიც 1 416 ადამიანისგან შედგება. ახლა ლის კანდიდატურა ჩინეთის ცენტრალურმა მთავრობამ უნდა დაამტკიცოს.
ჰონგ-კონგის მოქმედმა ლიდერმა კერი ლემმა არჩევნებში მონაწილეობის მიღება არ ისურვა.
კომენტარები