“სააკაშვილის თანაგუნდელებს ვთხოვდი, რომ თავი შეიკავონ ამ პოლიტიკური წნეხისგან, რომელიც ზიანის მეტს არაფერს მოიტანს თვითონ პაციენტისთვის”

ის რაც სჭირდება პაციენტის მოვლას და მისთვის შეძლებისდაგვარად ნორმალური გარემოს შექმნას, დარწმუნებული ვარ, რომ გაკეთდება იუსტიციის სამინისტროს და ჩემი კოლეგების მიერ, – განაცხადა პარლამენტის ვიცე-სპიკერმა დავით სერგეენკომ მიხეილ სააკაშვილზე საუბრისას. მისი თქმით, ხისტი ულტიმატუმები უადგილოა.

„ხისტი ულტიმატუმები აქ უბრალოდ უადგილო მგონია. და მის თანაგუნდელებს და მრჩევლებსაც ვთხოვდი, რომ ცოტა ხნით, თუნდაც 1-2 დღით ძალა გამონახონ საკუთარ თავში და შეიკავონ თავი ამ პოლიტიკური წნეხისგან, რომელიც ზიანის მეტს არაფერს მოიტანს პირველ რიგში თვითონ პაციენტისთვის“, – აღნიშნა სერგეენკომ.

იუსტიციის მინისტრმა განაცხადა, რომ სააკაშვილის ჯანმრთელობის მდგომარეობის გაუარესების თავიდან აცილების მიზნით, მას „ვივამედში“ გადაყვანას შესთავაზებენ. სააკაშვილი შეთავაზებას დათანხმდა.