ბატონი ბიძინა ივანიშვილის ადვოკატის მხრიდან ყველა კითხვას პასუხი გაეცა და ვფიქრობ, ყველაფერი ნათელია, – ამის შესახებ საქართველოს პრემიერ-მინისტრმა, ირაკლი ღარიბაშვილმა ჟურნალისტებს განუცხადა.
მისი თქმით, საზოგადოებამ მოისმინა ბიძინა ივანიშვილის ადვოკატის დეტალური განმარტებები, რომელიც ბიძინა ივანიშვილს გადარიცხვებთან და სხვა აქტივობებთან დაკავშირებით შეექმნა და ამდენად, ღარიბაშვილი მიიჩნევს, რომ საზოგადოებისთვის ყველაფერია უკვე ცნობილი.
„დამატებით, თუ ბიძინა ივანიშვილი ჩათვლის საჭიროდ, პრესკონფერენციები შეიძლება გაიმართოს – თუ ეს საჭირო იქნება. მჯერა, თავად ბატონი ბიძინა საზოგადოებას დამატებით ინფორმაციას მიაწვდის.
ერთი შემიძლია გითხრათ, რომ ყველა ის ლეგიტიმური კითხვა, რაც დაისვა და ადვოკატების მხრიდან გაჟღერდა, რომელიც უკავაშირდებოდა ბანკის საქმიანობასა და ასე შემდეგ, მე ამ დეტალებში არ შევალ, რადგან ეს ჩვენი მთავრობის განსახილველი არ არის, მაგრამ ვინაიდან მაღალი ინტერესი არსებობს, ჩვენც ამას ყურადღებით ვაკვირდებით. თუმცა, კიდევ ერთხელ გავიმეორებ, ბატონი ბიძინა ივანიშვილის ადვოკატის მხრიდან ყველა კითხვას პასუხი გაეცა და ვფიქრობ, ყველაფერი ნათელია“, – განაცხადა ღარიბაშვილმა.