ემიგრანტები დღესაც მონაწილეობენ არჩევნებში და რაიმე განსაკუთრებულ ცვლილებას ვერ ვხედავ,– ამის შესახებ პარტია „მოქალაქეების ლიდერმა ლევან იოსელიანმა განაცხადა.
„თუ ემიგრანტებზე ვსაუბრობთ, ისინი დღესაც მონაწილეობენ არჩევნებში. მათი წილი არჩევნებში, რომ გაიზარდოს, მათი საკონსულო გაიხსნას, სადაც შეძლებენ მისვლასა და არჩევანის გაკეთებას, ამას თუ გულისხმობენ არ ვიცი, მაგრამ, ყოველ შემთხვევაში, რაღაც განსაკუთრებულ ცვლილებას ვერ ვხედავ, რა შეიძლება იყოს, რაც არჩევნებს ბედს სხვანაირად გადაწყვეტს“, – აღნიშნა იოსელიანმა.
„ნაციონალური მოძრაობის“ თავმჯდომარე ნიკა მელია აცხადებს, რომ პარტიის სამოქმედო გეგმის მიზანი არჩევნებამდე მისვლაა. ოპოზიციური პარტიის ლიდერი მოლდოვის მაგალითზე ამახვილებს ყურადღებას და საპრეზიდენტო არჩევნებზე მაია სანდუს გამარჯვებაში კონკრეტული, პარტნიორი ორგანიზაციების წვლილზე აკეთებს აქცენტს. პარტიის მიერ დასახულ გეგმაზე საუბრისას ნიკა მელია ყურადღებას ამახვილებს საზღვარგარეთ, საარჩევნო უბნებზე და ამ შემთხვევაში სწორედ მოლდოვის სცენარს გულისხმობს.