კანადის საგარეო საქმეთა მინისტრმა, მელან ჟოლიმ, ბერლინში, სადაც ნატო-ს საგარეო საქმეთა მინისტერიალი უნდა გაიმართოს, აღნიშნა, რომ საქართველო ჩრდილოატლანტიკური ალიანსის მნიშვნეოვანი პარტნიორია.
„რა თქმა უნდა, საქართველო კანადის მნიშვნელოვანი პარტნიორია. მე ახლახანს მქონდა შეხვედრა საქართველოს საგარეო საქმეთა მინისტრთან. ჩვენ ვაგრძელებთ მხარდაჭერას ღია კარის პოლიტიკის კუთხით“, – აღნიშნა მელან ჟოლიმ.
მან ფინეთისა და შვედეთის ალიანსში გაწევრიანების პერსპექტივაზეც ისაუბრა.
„ისტორიული მომენტის წინაშე ვართ. ჩრდილოატლანტიკური ალიანსის ყველა წევრი ძალიან კარგად აცნობიერებს ამ გადამწყვეტ მომენტს. 2022 წლის 24 თებერვალს ყველაფერი შეიცვალა. ჩვენ ვიცით, რომ ალიანსი ძლიერი და ერთიანია. გვქონდა ძალიან პროდუქტიული საუბარი ფინეთისა და შვედეთის საგარეო საქმეთა მინისტრებთან. ვესაუბრე თურქ კოლეგასაც მიმდინარე პროცესებთან დაკავშირებით. ვაგრძელებთ აქტიურად მუშაობას და კონსულტაციებს. ერთი რამ ყველასთვის ნათელია – სამხედრო ორგანიზაციის მტკიცე ერთიანობა. ჩვენ ძალიან კარგად ვიცით, რომ ნატოს ერთიანობა უნდა შენარჩუნდეს რუსეთის უკრაინაში შეჭრის ფონზე. რა თქმა უნდა, საქართველო კანადის მნიშვნელოვანი პარტნიორია. მე ახლახანს მქონდა შეხვედრა საქართველოს საგარეო საქმეთა მინისტრთან. ჩვენ გვჯერა ალიანსის ღია კარის პოლიტიკის. აქ ვსაუბრობთ ფინეთის მომავალ წევრობაზე და გვინდა დარწმუნებულები ვიყოთ, რომ სხვადახვა ქვეყანას შეუძლია ნატოში გაწევრიანება და, ფინეთის შემთხვევაში, შეიძლება იყოს სწრაფი გაწევრიანება. დარწმუნებულები უნდა ვიყოთ, რომ ნატოს წევრი ქვეყნები გაწევრიანებისთვის საჭირო რატიფიკაციის პროცესს ძალიან სწრაფად გავივლით. მე უკვე ვესაუბრე ჩემს კოლეგებს ამ თემაზე ოპოზიიციდან. კანადის მოსახლეობას სურს, უზრუნველყოფილი იყოს შვედეთისა და ფინეთის ნატოში გაწევრიანება. რაც შეეხება საქართველოს, ჩვენ ვაგრძელებთ მხარდაჭერას ღია კარის პოლიტიკის კუთხით. ჩვენ გვჯერა, რომ ღირს მათი ალიანსში შესვლა“, – აღნიშნა მელან ჟოლიმ.