საქართველომ გუშინ დამოუკიდებლობის დღე აღნიშნა. აღლუმზე ქვეყნის პრემიერ-მინისტრი ირაკლი ღარიბაშვილი მეუღლესთან ნუნუკა თამაზაშვილთან და შვილებთან ერთად იმყოფებოდა.
“ძვირფასო მეგობრებო,
კიდევ ერთხელ გილოცავთ ჩვენი სამშობლოს დამოუკიდებლობის დღეს.
26 მაისი ჩვენი დღეა, ჩვენი დიდი ისტორიის უმნიშვნელოვანესი თარიღი. იგი არა მხოლოდ დღევანდელ თაობებს გვაერთიანებს, არამედ ერთ მთლიანობად კრავს ჩვენს წარსულს, აწმყოსა და მომავალს.
“ქართულმა ოცნებამ”, ქართველ ხალხთან ერთად, გადამწყვეტი ნაბიჯები გადადგა ჩვენი ცივილიზაციური არჩევანის – ევროპის თავისუფალ ერთა ოჯახში დაბრუნებისაკენ.
მე მჯერა, რომ საქართველო დაბრუნდება დიდ ევროპულ ოჯახში, თავისი ისტორიით, ტრადიციით, კულტურით და ყველა სიკეთით, რაც გვიყვარს, გვეამაყება და გვაერთიანებს.
კეთილი იყოს საქართველოს დღევანდელი დღე და გზა #ევროპისკენ”-წერს პრემიერი სოციალურ ქსელში.
