იუსტიციის მინისტრი რატი ბრეგაძე განცხადებას ავრცელებს:
“ნაციონალური მოძრაობის საპარლამენტო ფრაქციამ ინტერპელაციის წესით გამოგვიგზავნა კითხვა იმის შესახებ თუ რა ღონისძიებები ტარდება სპეციალურ პენიტენციურ სამსახურში მსჯავრდებულთა და ბრალდებულთა უფლებების დაცვის კუთხით და რამდენად შეესაბამება იგი ადგილობრივ და საერთაშორისო სტანდარტებს.
✅გუშინ საქართველოს პარლამენტში წარმოვადგინე მოხსენება, რომლის ფარგლებშიც ვისაუბრე ჩვენს მიერ განხორციელებულ ღონისძიებებზე და ახალ ინიციატივებზე, რომლებმაც უფლებათა რეალიზაციის ხარისხის კიდევ უფრო მეტად გაზრდას უნდა შეუწყონ ხელი.
❌ოპოზიციას ერთი კითხვაც არ დაუსვამს პატიმრების უფლებრივ მდგომარეობაზე და ისაუბრეს მხოლოდ მსჯავრდებულ სააკაშვილის შესახებ.
❌ეს ფაქტი არის ნათელი დასტური იმისა რომ ამ კონკრეტულ პარტიას საერთოდ არ აინტერესებს არცერთი პატიმრის ბედი გარდა ერთისა.
❌ასეთი დამოკიდებულება გასაკვირიც არ არის იმ პოლიტიკური გუნდისგან, რომლის მმართველობის პერიოდში არაადამიანური მოპყრობა სისტემურ პრობლემას წარმოადგენდა.
🔵ქართულმა ოცნებამ შეძლო და წამებისა და არაადამიანური მოპყრობის შემზარავი პრაქტიკა ერთხელ და სამუდამოდ აღმოფხვრა, რითაც ისტორიის სამარცხვინო ფურცელი გადაიფურცლა.
🔵დღეს ყველა პატიმარმა იცის, რომ მათი ყველა უფლება სრული მოცულობით იქნება დაცული.
🔵ჩვენი მთავარი ღირებულება ადამიანი და მისი ღირსებაა.
მადლობას ვუხდი ჩვენს ღირსეულ თანამშრომლებს რომლებიც 24 საათის განმავლობაში ჩვენი ქვეყნის უსაფრთხოებას ემსახურებიან.”
