შალვა პაპუაშვილი ევროპარლამენტის საგარეო ურთიერთობათა კომიტეტის თავმჯდომარე, დევიდ მაკალისტერის განცხადებას ეხმაურება. შესაბამისი განცხადება საქართველოს პარლამენტის თავმჯდომარემ Twitter-ზე გამოაქვეყნა.
„ეს მართლაც ჭეშმარიტების მომენტია ევროკავშირისთვის და მისი საერთაშორისო საქმიანობის სანდოობისა და ლეგიტიმურობისთვის. ამ სტრატეგიულ ეტაპზე ყოფნისას ევროკავშირმა რეგიონისადმი თავისი გრძელვადიანი ინტერესი უნდა წარმოაჩინოს, საქართველოსთვის, მოლდოვასა და უკრაინისთვის კანდიდატის სტატუსის მინიჭებით“, – წერს პაპუაშვილი.
— Shalva Papuashvili 🇬🇪 (@shpapuashvili) June 2, 2022
მანამდე მაკალისტერმა Twitter-ზე დაწერა, რომ „ევროპის სახალხო პარტიას“ მიაჩნია, რომ მაშინ, როდესაც მთელი რეგიონის უსაფრთხოება საფრთხის ქვეშ დგას, კანდიდატის სტატუსის მინიჭება მნიშვნელოვანი პოლიტიკური სიგნალია.