“ლელო საქართველოსთვის” და ზელენსკის “ხალხის მსახური” დღეს ALDE-ს ყრილობამ პოლიტიკური ალიანსის სრულუფლებიან წევრებად აირჩია.
ევროპის ერთერთ ყველაზე გავლენიან პოლიტიკურ ოჯახში “ლელოსა” და უკრაინის მმართველი პარტიის გაწევრიანებას ALDE-ს დელეგატთა აბსოლუტურმა უმრავლესობამ დაუჭირა მხარი.
პარტია “ლელო საქართველოსთვის” დღეს პარტიის საგარეო მდივანი გრიგოლ გეგელია წარმოადგენდა, მანვე მიმართა დუბლინში შეკრებილ ყრილობას.
გრიგოლ გეგელია – მქონდა უდიდესი პატივი წარმომედგინა ჩემი პარტია ამ უაღრესად მნიშვნელოვან საერთაშორისო ფორუმზე, ჩვენი პატნიორის, პარტია “ხალხის მსახურის” თავმჯდომარის ოლენა შულიაკის შემდეგ.
ძვირფასი და სიმბოლურია რომ დღეს ჩვენი ორი პარტია ერთად გახდა ALDE-ს სრულუფლებიანი წევრი. ჩვენ ყველაზე კარგად ვიცით თავისუფლების, ღირსებისთვის, პროგრესისთვუს ბრძოლის ფასი!
ALDE აერთიანებს ევროკავშირის წამყვან პარტიებს, მათ შორის საფრანგეთის, ჰოლანდიის, ირლანდიის, ლუქსემბურგის, გერმანიის, ესტონეთის მმართველ პარტიებს, 100-ზე მეტ ევროპარლამენტარს, 6 ევროკომისარს, ევროპული საბჭოს პრეზიდენტ მიშელს და 79 მოქმედ მინისტრს.