საქართველოს პრემიერ-მინისტრი დღეს უსაფრთხოების გლობალურ ფორუმს სიტყვით მიმართავს. კონფერენციის იმ სესიას, რომელშიც ირაკლი ღარიბაშვილი მონაწილეობს, დღის წესრიგის მიხედვით ეწოდება „სამეზობლოს გამყარება – პარტნიორობა აღმოსავლეთ მოკავშირეებთან“. ბრატისლავას ფორუმში უკვე მიიღო მონაწილეობა ვიცე-პრემიერმა ლევან დავითაშვილმა. მსჯელობა რუსულ ბაზარსა და ენერგეტიკას დაეთმო.
„საქართველოს განსაკუთრებული როლი გააჩნია იმისთვის, რომ ევროპის ეკონომიკურ უსაფრთხოებაში თავისი წვლილი შეიტანოს. ამიტომ მე შევეხე ასევე საქართველოს გაწევრიანების მნიშვნელობასაც, რადგან საქართველოს ევროკავშირს იმდენადვე უნდა სჭირდებოდეს, როგორც ჩვენ გვჭირდება ევროკავშირი. შესაბამისად, ჩვენი თანამშრომლობა კიდევ უფრო მაღალ ხარისხში უნდა იყოს“, – განაცხადა ლევან დავითაშვილმა.
კომენტარები