საქართველოს ტექნიკური უნივერსიტეტის წარმომადგენლები, ოფიციალური ვიზიტით, უკრაინაში იმყოფებიან. ღონისძიების ფარგლებში, საქართველოს წარმომადგენლები უკრაინის განათლების მინისტრსა და სხვადასხვა უმაღლესი სასწავლებლის რექტორებს შეხვდნენ. შეხვედრაზე, მადლობა გადაუხადეს საქართველოს ტექნიკურ უნივერსიტეტსა და კულტურის პალატას გაწეული ჰუმანიტარული და მატერიალური დახმარებისთვის.
„ჩვენთვის და უკრაინისთვის, ეს ძალიან მნიშვნელოვანია, მაშინ, როცა 100 დღეზე მეტია, უკრაინა რუსულ აგრესიას იგერიებს. ასეთ მძიმე პერიოდში, საქართველოდან მეგობრების ვიზიტი ქართველების ძლიერ მხარდაჭერაზე მიუთიეთებს. ჩვენ მადლობლები ვართ ქართველი ხალხისა და მისი ხელისუფლების, იმისთვის, რომ უკრაინელების გვერდით დგანან“, – განაცხადა კიევის ტენოლოგიისა და დიზაინის ეროვნული უნივერსიტეტის რექტორმა ივან გრიშენკომ.