თბილისის მერმა კახა კალაძემ თავის მოადგილედ კახა გულედანი წარადგინა. ამის შესახებ მან დედაქალაქის მთავრობის სხდომაზე განაცხადა.
„მინდა საზოგადოებას წარვუდგინო ადამიანი, რომელიც გააგრძელებს ამ მიმართულებას, იმისთვის რომ ყველაფერი იყოს გაკეთებული უმაღლეს დონეზე. საზოგადოებას მინდა წარვუდგინო კახა გულედანის კანდიდატურა. ის წლების განმავლობაში მუნიციპალიტეტში მუშაობს. მას საკმაოდ დიდი გამოცდილება აქვს. წლების წინ ის იკავებდა რეგიონული განვითარების და ინფრასტრუქტურის მინისტრის მოადგილის თანამდებობას, იყო ასევე სამგორის რაიონის გამგებელი და მინდა კახას წარმატებები ვუსურვო ამ თანამდებობაზე“, – განაცხადა კალაძემ.
კომენტარები