“აპრილში მომზადებულ რეზოლუციაში წერია, რომ „საქართველოში მედიაგარემო არის კარგი“ – დღეს, ჩვენი 10-ზე მეტი ევროპელი კოლეგა შებრუნებულ, კატასტროფულ სიტუაციას ხატავს”

ფრაქცია „ქართული ოცნების“ თავმჯდომარის, მამუკა მდინარაძემ, ჟურნალისტებთან საუბრისას, ევროპის საბჭოს საპარლამენტო ასამბლეის მიმერ აპრილის ბოლოს მომზადებული რეზოლუცია გაიხსენა და აღნიშნა, რომ 10-ზე მეტი ევროპელი პოლიტიკოსის დღენდელი განცხადებები აბსოლუტურად აცდენილია რეზოლუზიის შინაარსს.

„აპრილის ბოლოს, ევროპის საბჭოს საპარლამენტო ასამბლეის (რომლის შემადგენლობაშიც 46 ქვეყნის წარმომადგენლები შედიან) მიერ მომზადებულ რეზოლუციაში წერია, რომ „საქართველოში მედიაგარემო არის კარგი, გამოხატვისა და მედიის თავისუფლება, ზოგადად, კარგად დაცულია, ასამბლეა მიესალმება მედიაგარემოს გაძლიერების კუთხით მიღწეულ პროგრესს მიესალმება, განსაკუთრებით, მედიაბაზარზე შესვლის ბარიერების შემცირებას, რაც მნიშვნელოვანი პირობაა მრავალფეროვანი მედიაგარემოსთვის“. როდესაც ერთი თვის წინ, ასეთი ცალსახად პოზიტიური დასკვნა გამოდის ევროპის მხრიდან და ერთი თვის თავზე, ჩვენი ევროპელი კოლეგები, 10-ზე მეტი, სამწუხაროდ, გამოდიან და აბსოლუტურად შებრუნებულ და კატასტროფულ სიტუაციას ხატავენ და ამგვარად უტევენ საქართველოს ხელისუფლებას, იმ რეალობას, რომელიც საქართველოშია და ამ რეალობის საწინააღმდეგო „ფეიკს“ ავრცელებენ ასეთი მაღალი ტრიბუნიდან, ეს შეტევაა საქართველოზე“, – აცხადებს მამუკა მდინარაძე.

მან უპასუხა ჟურნალისტების კითხვას იმის შესახებ, თუ რა შეიცვალა ამ პერიოდის განმავლობაში და რატომ განსხვავდება ევროპარლამენტარების ნაწილის განცხადებები რეზოლუციის ტექსტისგან. მდინარაძემ გვარამიას ფაქტორზე გაამახვილა ყურადღება.

„შეუძლებელია, ერთი ადამიანის დაკავება ამგვარად ცვლიდეს დამოკიდებულებას, იქიდან გამომდინარე, რომ არავინ საუბრობს მის დამნაშავეობა-უდანაშაულობაზე, მხოლოდ იმ „ფეიკებზე“ საუბრობენ, რომლებიც თვითონ მოიგონეს, თითქოს, ის ავტომობილის ფლობის გამოა დაკავებული“, – აღნიშნა მამუკა მდინარაძემ.