წალკის კანიონზე ასეთი არაჩვეულებრივი ინფრასტრუქტურა შეიქმნა. მინდა ჩემი გამოსვლა მადლობით დავიწყო – მადლობა კომპანია KASS LAND-ს, რომელმაც განახორციელა 120 მლნ ლარის ინვესტიცია და შექმნა 250 ახალი სამუშაო ადგილი. მე ვულოცავ წალკას და მთელ ქვეყანას, – ამის შესახებ პრემიერ-მინისტრმა ირაკლი ღარიბაშვილმა წალკის კანიონის გახსნაზე სიტყვით გამოსვლისას განაცხადა.
„ასევე მინდა მინდა აღვნიშნო, რომ ჩვენი მთავრობისთვის ერთ-ერთი მთავარი პრიორიტეტი არის ჩვენი ბუნებრივი მემკვიდრეობის დაცვა-შენარჩუნება და ამავე დროს ეკოტურიზმის საერთაშორისო სტანდარტებით განვითარება. სწორედ ეს არაჩვეულებრივი უნიკალური ადგილი არის ამის მაგალითი, თუ როგორ მოხდა ერთის მხრივ ჩვენის მემკვიდრეობის დაცვის შერწყმა და მეორეს მხრივ, ასეთი თანამედროვე, მსოფლიო დონის ინფრასტრუქტურის განვითარებას. ეს ძალიან გვახარებს. გვიხარია, რომ ამ პროექტით დაინტერესდა ჩვენი მეგობარი სახელმწიფო ისრაელი და ებრაული კომპანია და მე მინდა კიდევ ერთხელ მადლობა გადავუხადო მათ ასეთი მნიშვნელოვანი ინვესტიციის განხორციელებისთვის და მე მინდ ასევე აღვნიშნო, რომ ეს პროექტი წაახალისებს და ხელს შეუწყობს ამ კანიონის მიმდებარე ტურისტული სერვისების განვითარებას, აქ ადგილობრივი მოსახლეობა დასაქმდება, ძალიან ბევრი ტურისტი უნდა ჩამოვიდეს ამ უნიკალურ ადგილას. ეს არის სწორედ სწრაფი და მდგრადი განვითარების ხელშემწყობი ნაბიჯები“, – განაცხადა პრემიერმა.