ნატო-ში საქართველოს ელჩი, ვიქტორ დოლიძე რამშტაინის ფორმატში საქართველოს მიპატიჟებას „პრაქტიკული და პოლიტიკური თვალსაზრისით, ძალიან მნიშვნელოვანს“ უწოდებს.
„უკრაინაში მიმდინარე მოვლენებიდან გამომდინარე, ისტორიული მნიშვნელობის შეხვედრაა. აქამდე, ჩვენ ამ ფორმატში არ ვიყავით წარმოდგენილნი, რადგან მხოლოდ უკრაინას ეხებოდა შეიარაღების მიწოდება საკონტაქტო ჯგუფის მნიშვნელობიდან გამომდინარე. ის, რომ ჩვენ მოგვიპატიჟესდა საქართველოს თავდაცვის მინისტრი ამ შეხვედრაში მონაწილეობას მიიღებს, ეს, პრაქტიკული და პოლიტიკური თვალსაზრისით, ძალიან მნიშვნელოვანია. რამშტაინის შეხვედრასთან ერთად, ბრიუსელში მინისტერიალი გაიმართება და, ოფიციალურ ვახშამზე, ნატო-ში, საქართველოს თავდაცვის მინისტრს ექნება შესაძლებლობა, კოლეგებთან გადაიკვეთოს და ჩვენს პრობლემატიკაზე ისაუბროს“, – განაცხადა ვიქტორ დოლიძემ.
„რამშტაინის ფორმატი“ არის სხვადასხვა ქვეყნის საგარეო საქმეთა მინისტრთა შეხვედრა უკრაინის თავდაცვითი შესაძლებლობების გაძლიერების განსახილველად. ის აშშ-ის მიერაა ინიცირებული და გერმანიაში არსებული ამერიკული საჰაერო-სამხედრო ბაზის სახელს უკავშირდება.