ექსპერტი ამირან სალუქვაძე სოციალურ ქსელში პოსტს აქვეყნებს.
“რატომ გადაიღო წინა ხელისუფლებამ ეს მავნე ფილმი და რატომ გახადეს საჯარო ვინ დაიწყო სამხედრო მოქმედებები?
რატომ შეუკვეთა სააკაშვილმა დოკუმენტური ფილმი და მსოფლიოს საჩვენებლად ასახეს ვინ და რა მიზნით, რა ამოცანით დაიწყო საბრძოლო მოქმედებები? რა მიზნის მიღწევა სურდათ ამ გეგმის გასაჯაროებით? გაქვთ პასუხი?
რას გვიყვებიან ფილმში: “პირველი ფაზა უნდა დასრულებულიყო 12 საათში, რათა რუსების მთავარ ძალებს კონფლიქტში ჩართვა ვერ მოესწრო”. ანუ?
ანუ, 7-ში 23.30-ზე თუ დაიწყო, 8 აგვისტოს 12 საათამდე უნდა დასრულებულიყო. ასეთი იყო, თურმე, სააკაშვილის გეგმა.
დაახლოებით ესაა ფილმის ამ ნაწყვეტის მოკლე შინაარსი.
ეს ვიდეოც საკმარისია იმის გასაგებად, თუ რა შარში გაგვხვია სააკაშვილმა 2008 წელს.
არ იკმარეს ის, რომ ტალიავინის კომისიის გამოძიების შედეგები ვერ უზრუნველყვეს ჩვენს სასაეგებლოდ. არც ევროსაბჭოს #1633 რეზოლუცია ეყოთ, რომელშიც ომის უველა შესაძლო დანაშაულის ჩადენაზე მოვაწერეთ ხელი (აკრძალული ოარაღის გამოყენება, მშვიდობიანი მოსახლეობის განზრახ მოკვდინება და ა.შ.), რაც ყველაზე საზიანოა, ჩვენ დაგვბრალდა “ცხინვალის გაუფრთხილებლად დაბომბვა” და კონფლიქტის ესკალაცია.
დამატებით ადგნენ და ეს ფილმი გადაიღეს, რათა სრულად დადოკუმენტირებული ყოფილიყო.
ყოფილ გენშტაბის უფროსზე ნუ გააკეთებთ ახლა აქცენტს. ის ბრძანების შემსრულებელი იყო. მის მიმართ შეიძლება არსებობდეს სხვა ხასიათის კითხვები, თუ როგორ ვაწარმოეთ სამხედრო მოქმედებები და არა მათი დაწყება, ან შეწყვეტა. თუმცა, დაგეგმვა და მართვაც სამოქალაქოებმა აიღეს თავის თავზე, რაც დანაშაულია.
ანუ, გენშტაბის უფროსს გაახმოვანებინეს ეს გეგმა. სინამდვილეში ეს იყო სააკაშვილის ჩანაფიქრი.
თავად ტერიტორიის დაბრუნების სურვილი ჩვენი კანონიერი უფლებაა, მათ შორის სამხედრო გზით. თუმცა ორი საკითხია: 1. გაქვს თუ არა მომზადებული იურიდიული და საერთაშორისო გარემო; 2. ხარ თუ არა მზად ამ ამოცანის შესასრულებლად, რათა შედეგი დადო. როცა შედეგს ვერ დებ, საერთაშორისო დონეზე ქვეყნის წინააღმდეგ მოქმედებ, ასეთი ფილმებით ფაქტებს შენს წინააღმდეგ დებ, ხოლო მოქალაქეეებს მსჯელობას უკრძალავ სიმართლის გასარკვევად, ესაა პრობლემა. ამას ემატება ფიქტიური გამოძიება და ომის ხარზე გამდიდრება. აი ესაა პრობლემა.
საგამოძიებო კომისიასთან სააკაშვილი ერთს ამბობს, აქ კი ომის წინაპირობების განსხვავებული აღწერაა.
თუმცა, ფაქტი ისაა, რასაც ამ ფილმში ყვებიან და რაც იურიდიულად ჩვენს საწინააღმდეგოდ თავადვე გაამყარეს #1633 რეზოლუციით.
ასევე გაუგებარია 2008 წლის 9 აგვისტოს ბრძანებულება , რომელშიც სააკაშვილმა ჩაწერა, რუსები 8 აგვისტოს შემოვიდნენო. რატომ ჩაწერა 8 აგვისტო?
ყველაფერი ჩვენს წინააღმდეგ გაფორმდა, ვგულისხმობ ტალიავინის გამოძიებას, ევროსაბჭის #1633 რეზოლუციას, ამ ფილმს, საგამოძიებო კომისიის მასალებს (არსებობს ვიდეო), პრეზიდენტის 9 აგვისტოს ბრძანებულებას, თავად კი ყველას აუკრძალეს ამ თემაზე საუბარი.
ამ ყველაფრის მიუხედავად, ფილმში რატომ ისაუბრეს ოპერაციის გეგმებზე, რატომ გააფორმეს ეს გრაფიკულად რუკაზე და რატომ თქვეს რუსების შემოსვლამდე უნდა მოგვესწროო, ვერ ვიგებ.
სამაგიეროდ კეზერაშვილი მილიარდერი გახდა და ახლა მედიის მფლობელად, ანუ ხელშეუხებელ პირად გვევლინება. კეზერაშვილის მილიარდერობა ჩანს, თორემ მარტო ხომ ვერ იქნებოდა თემაში?!
არ გავიხსენებდი არც ამ ფილმს, არც სხვა მიქარვებს, მაგრამამ, არ ისვენებენ, კიდევ იქაჩებიან ხელისუფლებისკენ და, როგორც ჩვევიათ, ისევ სიცრუეების, არეულობის გზით. სხვა შემოსათავაზებელი არაფერი აქვთ.
ომის თემას კიდევ დავუბრუნდები. ასევე ცალკე გაგაცნობთ და ავხსნი სააკაშვილის 9 აგვისტოს საზიანო ბრძანებულებას ზემოთ ჩამოთვლილი მასალების კონტექსტში.
ეს ფილმი აზიანებს საქართველოს ინტერესებს.
მოუსმინეთ ამონარიდს თომა ჩაგელიშვილის ფილმიდან “აგვისტოს ომი”.”