2008 წელს, როდესაც რუსეთი შეიჭრა საქართველოში, სათანადო რეაქცია რომ გვქონოდა, არ იქნებოდა ყირიმი 2014 წელს. ყირიმში 2014 წელს რომ სათანადოდ მოვქცეულიყავით, მაშინ არ იქნებოდა 2022 წლის 24 თებერვალი. ახლა მაინც უნდა მოვიქცეთ ისე, რომ ავიცილოთ შემდეგი ომი. ეს ნიშნავს, რომ საჯარისო ნაწილების განლაგება ბალტიის ქვეყნებში მოვახდინოთ და იარაღი მივაწოდოთ უკრაინას, – აცხადებს ლატვიის თავდაცვის მინისტრი არტის პაბრიკსი.
„საქმე მარტივად დგას, უკრაინამ უნდა მოიგოს და რუსეთი უნდა დამარცხდეს. უკრაინა ჩვენს ომშია და ჩვენთვის იბრძვის. საქართველოს წინააღმდეგ არსებული საფრთხე არ გამქრალა. ყველა ქვეყანა, რომელიც რუსეთთან ახლოსაა, პოტენციურად საფრთხის ქვეშაა. ამის გამო უერთდებიან ნატოს ფინეთი და შვედეთი. დასავლურ საზოგადოებაში იყო ასეთი წარმოდგენა, რომ არ უნდა გავაკეთოთ ისეთი რამ, რაც ესკალაციას გამოიწვევს და რუსეთის პროვოცირებას მოახდენს. დიახ, ჩვენ მოვახდინეთ რუსეთის პროვოცირება არაფრის კეთებით. 24 თებერვლამდე მედვედევმა განაცხადა, რომ ჩვენ შევიჭერით საქართველოში და ევროპული საზოგადოება სანქციებით გადაიღალა. აგრესორის გაჩერება მხოლოდ თვალებში ჩახედვით შეგვიძლია და თქმით, რომ ასე ვეღარ გააგრძელებენ. ჩვენ დავუჭერთ მხარს საქართველოს ნატოში წევრობას, მაგრამ თქვენ მზად ხართ? აკეთებთ საშინაო დავალებას? ესეც კითხვის ქვეშაა. ეს არ არის მხოლოდ კითხვა ალიანსის მისამართით, ეს კითხვა ასევე იმ ქვეყნისთვისაა, რომელსაც გაწევრიანება სურს. დღეს მთავარია, რუსეთმა დატოვოს უკრაინის ტერიტორია. მომავალ კვირას ლიდერები იკრიბებიან და იმედი გვაქვს, რომ კანდიდატის სტატუსის გადაცემის შესაძლებლობა იქნება უკრაინისთვის. ჩვენ ამას ველოდებით. დღეს მთავარია უკრაინა, რადგან უკრაინას სისხლი სდის“, – განაცხადა ლატვიის თავდაცვის მინისტრმა.