აქაც ვდგავარ, 20-შიც მივალ და სადაც იქნება ნათქვამი, რომ აქციის მიზანია ჩვენი ევროპისკენ სწრაფვა ყველგან მივალ, – ამის შესახებ პარტია „მოქალაქეების“ ლიდერმა, ალეკო ელისაშვილმა „ქრონიკას“ „ევროპის მოედანზე“ აქციის დაწყებამდე განუცხადა.
„ჩვენი წინაპრები, ათეულობით მილიონი ქართველი შეეწირა იმაზე ოცნებას, რომ საქართველო ყოფილიყო დამოუკიდებელი სახელმწიფო და ყოფილიყო ცივილიზებული სამყაროს ნაწილი. დღეს ევროკავშირის არის ყველაზე ცივილიზებული გაერთიანება.
ჩვენი ბუნებრივი, ისტორიული სწრაფვაა ევროპისკენ და ამიტომ ვარ აქ. გულდასაწყვეტია, რომ ჩვენთან პარტიები, პოლიტიკოსები და სამოქალაქო აქტივისტებიც ყველაფერს უყურებენ თავისი ვიწროგადასახედიდან. გვინდა რომ ხვალ კარგი გადაწყვეტილება გამოიტანოს ევროკავშირმა და შემდეგ ამ რეზოლუციას უყაროს კენჭი, მაშინ რა მნიშვნელობა აქვს ვისი აქციაა. ბიძინა ივანიშვილს, სააკაშვილს რომ მოეწოდებინა მოვიდოდი, რომ დავენახოთ ევროპელებს რამდენი ვართ. აქაც ვდგავარ, 20-შიც მივალ და სადაც იქნება ნათქვამი, რომ ა ქციის მიზანია ჩვენი ევროპისკენ სწრაფვა ყველგან მივალ“, – განაცხადა ალეკო ელისაშვილმა.