საფრანგეთში საპარლამენტო არჩევნების მეორე ტური მიმდინარეობს. მოსახლეობას საფრანგეთის პარლამენტის ქვედა პალატის 577 დეპუტატის არჩევა მოუწევს ხუთი წლის ვადით.
გამარჯვების ყველაზე დიდი შანსები პრეზიდენტ ემანუელ მაკრონის გარშემო შეკრებილ კოალიციას „ერთად!“ (Ensemble!) და ჟან ლიუკმელანშონის გარშემო შეკრებილ მემარცხენე ძალების კოალიციას „ახალი სახალხო ეკოლოგიური და სოციალური ალიანი“ (Nupes) აქვთ. პარლამენტში სრული უმრავლესობის მოსაპოვებლად პოლიტიკურ კოალიციებს 289 მანდატის აღება მოუწევთ.
გასულ კვირას გამართულ არჩევნების პირველ ტურში მაკრონის კოალიციამ „ერთად!“, მემარცხენე კოალიციასთნ შედარებით 0,1 პროცენტით მეტი ხმა აიღო.
გამოკითხვების თანახმად, ორივე მხარეს გამარჯვების თანაბარი შანსები აქვთ. ექსპერტები თვლიან, რომ მეორე ტურში დაახლოებით 30-დან 50-მდე მანდატის მოპოვება შეუძლია ულტრამემარჯვენე მარინლე-პენის პარტიასაც.
საარჩევნო უბნები ადგილობრივი დროით 08:00 საათზე გაიხსნა და 20:00 საათზე დაიხურება.
აღსანიშნავია, რომ გასულ კვირას ამომრჩევლების აქტივობამ 40 პროცენტი შეადგინა, რაც ბოლო 30 წლის განმავლობაში ყველაზე დაბალი მაჩვენებელია.