იორდანიის მეფე აბდულა მეორემ ახლო აღმოსავლეთში ნატოს ანალოგის შექმნის იდეას დაუჭირა მხარი.
„მე ვიქნები ერთ-ერთი პირველი, ვინც ასეთ იდეას დაუჭერს მხარს“, – განაცხადა იორდანიის მეფემ CNBC-სთან ინტერვიუში და ამასთანავე ხაზი გაუსვა იმას, რომ ასეთი სამხედრო კავშირის როლი მკაცრად უნდა იყოს გაწერილი.
მისივე თქმით, იორდანია აქტიურად თანამშრომლობს ნატოსთან და თავს მომავალშიც ალიანსის პარტნიორად ხედავს.
აშშ-ის პრეზიდენტის თანამდებობაზე დონალდ ტრამპის ყოფნის დროს თეთრი სახლი „ახლო აღმოსავლეთის სტრატეგიული ალიანსის“ (Мiddle East Strategic Alliance, MESA) შექმნის იდეით გამოდიოდა. ვაშინგტონის ჩანაფიქრით, აშშ-სა და საუდის არაბეთის გარდა, MESA-ში არაბთა გაერთიანებული საამიროები, ქუვეითი, ბაჰრეინი, ყატარი, ომანი, ეგვიპტე და იორდანია უნდა გაწევრიანებულიყვნენ.
კომენტარები