ბრიანსკის ოლქში რკინიგზის ხაზზე მდგარი სატვირთო შემადგენლობის წინ მოქმედებაში მოვიდა ასაფეთქებელი მოწყობილობა, – ამტკიცებს ამ რეგიონის გუბერნატორი ალექსანდრ ბოგომაზი.
ტელეგრამში გამოქვეყნებულ ცნობაში გუბერნატორი წერს, რომ ინციდენტი მოხდა რობჩიკ-პესჩანკის ხაზზე, ხოლო აფეთქების შედეგად ჩაიმსხვრა მატარებლის მემანქანის მინები, თუმცა არავინ დაშავებულა და არც რკინიგზის ხაზი არ დაზიანებულა. გუბერნატორმა თავის ტელეგრამის არხში გამოქვეყნა სავარაუდო აფეთქების ამსახველი ფოტოები.
ბრიანსკის რეგიონი უკრაინას ესაზღვრება. უკრაინაში რუსეთის სამხედრო ინტერვენციის შემდეგ, საგამოძიებო პროექტ Insider-ის თანახმად, რუსეთში მკვეთრად გაიზარდა რკინიგზაზე ავარიების რაოდენობა. მათზე პასუხისმგებლობას იღებენ ჯგუფები, რომლებიც თავს პარტიზანებს უწოდებენ. ისინი აცხადებენ, რომ საბოტაჟის მიზანია აღიკვეთოს ჯარებისა და სამხედრო ტექნიკის გადაყვანა უკრაინაში ფრონტის ხაზზე.
Insider-ის გამოძიებით 2022 წლის მარტიდან ივნისამდე რუსეთში რელსებიდან გადავარდა 63 სატვირთო მატარებელი ჩაიშალა, რაც ერთნახევარჯერ მეტია გასული წლის ანალოგიურ პერიოდთან შედარებით.