თეატრის მხატვარმა შოთა გლურჯიძემ თუმანიშვილის თეატრი დატოვა. ამის შესახებ მან თეატრის გვერდზე დაწერა.
“ძალიან სამწუხაროა რაც ხდება თუმანიშვილის თეატრში. მართალია 2 თვეა რაც მე აღარ მოვაწერე კონტრაქტს ხელი და წამოვედი თეატრიდან 18 წლის ამ დასში მუშაობის შემდეგ, მაგრამ ამ უნიკალური თეატრის ბედი ნამდვილად არ არის ჩემთვის უმნიშვნელო. რაც მოხდებოდა ახალი ხელმძღვანელის მოსვლის შემდეგ სამწუხაროდ ვგრძნობდი და მართლაც ასე მოხდა. ჩემი აზრით თეატრის მომავალი ბუნდოვანია ასეთი მართვის შემთხვევაში და ხელმძღვანელობა უნდა გამოიცვალოს. ეს თეატრი და დასი იმდენად მნიშვნელოვანია ქართული კულტურისათვის რომ საეჭვო ექსპერიმენტები აქ სრულიად მიუღებელია.
იმედია თეატრის დამფუძნებელი მიიღებს სათანადო ზომებს და კიდევ უფრო არ დააზიანებს ამ არაჩვეულებრივ თეატრალურ დასს. პატივისცემით, თეატრის მხატვარი, შოთა გლურჯიძე.”
