უკრაინის გამოძიების სახელმწიფო ბიუროს გამომძიებლებმა ჩერნიჰივის საოლქო პროკურატურის პროცედურული ხელმძღვანელობით, მენსკის გამოსასწორებელი კოლონიის ერთ-ერთი ხელმძღვანელი ცნობილი დამნაშავის ციხიდან გაქცევის ხელშეწყობაში ეჭვმიტანილად ცნეს.
ინფორმაცია აღნიშნულმა უწყებებმა გუშინ გაავრცელეს.
გამოძიების ვერსიით, მიმდინარე წლის თებერვლის ბოლოს, რუსული არმიის უკრაინაში სამხედრო შეჭრის აქტიური ფაზის დაწყების შემდეგ, თანამდებობის პირმა უკანონო სიტყვიერი ბრძანება გასცა, რომ წინასწარი დაკავების №91 დაწესებულებიდან გაეთავისუფლებინათ საქართველოს მოქალაქე, ე.წ კანონიერი ქურდი 30 წლის გიორგი კილაძე, მეტსახელად “გეგა ოზურგეტსკი“. ის წინასწარი დაკავების იზოლატორში მკვლელობის ბრალდების გამო იმყოფებოდა და სასამართლო განაჩენს ელოდა. მარტში “კანონიერი ქურდი” ვინიცის რაიონში მოლდოვის რესპუბლიკასთან სახელმწიფო საზღვრის გადაკვეთის მცდელობისას დააკავეს.
საგამოძიებო ორგანოების მიერ გავრცელებული ინფორმაციით, ამჟამად მიმდინარეობს მსჯელობა ეჭვმიტანილი მაღალჩინოსნისთვის აღკვეთის ღონისძიების შეფარდების თაობაზე.