პოლიტიკური კრიზისის გამო, იტალიის პრემიერ-მინისტრი მარიო დრაგი თანამდებობას დატოვებს. ამის შესახებ ინფორმაციას დასავლური მედია იტალიის მთავრობაზე დაყრდნობით ავრცელებს.
მედიის ცნობით, დრაგის მთავრობა სენატში უნდობლობის გამოცხადებას გადაურჩა, თუმცა მისი მთავრობის მომავალი კითხვის ნიშნის ქვეშ დადგა პოპულისტური „5 ვარსკვლავის მოძრაობის“ (5SM) მიერ კენჭისყრის ბოიკოტის გამო, რომელიც კოალიციის მთავარი მოკავშირეა.
როგორც დასავლური მედია წერს, „5 ვარსკვლავის მოძრაობის“ წევრებმა უარი თქვეს კენჭისყრაში მონაწილეობაზე ენერგეტიკის ფასების მკვეთრი აწევის შესახებ შეღავათების კანონპროექტთან წინააღმდეგობის გამო, რომლებსაც ნდობის კენჭისყრა უკავშირდებოდა. მედია წერს, რომ დრაგიმ 172 ხმა მიიღო, 39-ის წინააღდეგ, მაგრამ ბოიკოტი წარმოადგენს აშკარა საფრთხეს მისი მთავრობისთვის.