რუსეთის საგარეო საქმეთა მინისტრი ამტკიცებს, რომ რუსეთი უარყოფს დიპლომატიას და ფოკუსირებულია ომსა და ტერორზე, – ამის შესახებ უკრაინის საგარეო საქმეთა მინისტრი, დმიტრო კულება სოციალურ ქსელში წერს, რითაც ეხმაურება რუსეთის საგარეო საქმეთა მინისტრის, სერგეი ლავროვის განცხადებას.
როგორც კულება აღნიშნავს, რუსებს სურთ სისხლი და არა საუბარი.
„მეტი უკრაინული მიწების ხელში ჩაგდებაზე ოცნებით, რუსეთის საგარეო საქმეთა მინისტრი ამტკიცებს, რომ რუსეთი უარყოფს დიპლომატიას და ფოკუსირებულია ომსა და ტერორზე. რუსებს სურთ სისხლი და არა მოლაპარაკებები. მოვუწოდებ ყველა პარტნიორს, გააძლიერონ სანქციების ზეწოლა რუსეთზე და დააჩქარონ უკრაინაში იარაღის მიწოდება“, – წერს დმიტრო კულება Twitter-ზე.
ცნობისთვის, რუსეთის საგარეო საქმეთა მინისტრი, სერგეი ლავროვი „სპეცოპერაციის“ გეოგრაფიის გაფართოებით დაიმუქრა.