ყაზახეთში იმ ქარხანამ შეაჩერა მუშაობა, სადაც კორონავირუსის საწინააღმდეგო, რუსულ ვაქცინას – Sputnik V-ს აწარმოებდნენ.
ამის შესახებ ORDA ყაზახეთის ჯანდაცვის სამინისტროს მედიკამენტოზური პოლიტიკის დეპარტამენტის ხელმძღვანელზე, ბაუირჟან ჯუსიპოვზე დაყრდნობით წერს.
„პანდემიის დაწყების შემდეგ, ყარაგანდაში Sputnik V-ის წარმოება დავიწყეთ. ამჟამად, ეს პროცესი შეჩერებულია. დღესდღეობით, ვაქცინების საკმარისი მოცულობა გვაქვს”,- თქვა მან.
მისი თქმით, ყაზახეთმა საკუთარი ვაქცინის – QazVac-ის საკმარისი რაოდენობა დაამზადა.
გარდა ამისა, ყაზახეთის ჯანდაცვის სამინისტრო Pfizer-ის ვაქცინის ახალი პარტიის შესყიდვაზე აწარმოებს მოლაპარაკებას.
კომენტარები