აშშ-ში, აიოვას შტატში მდებარე ნაციონალურ პარკში გაშლილ კარავში 6 წლის გოგოსა და მისი მშობლების – სარა და ტაილერ შმიდტების ცხედრები იპოვეს, – ამის შესახებ BBC წერს.
გავრცელებული ინფორმაციით, თავდასხმას წყვილის ცხრა წლის ვაჟი გადაურჩა.
სამართალდამცველები ამბობენ, რომ სავარაუდო თავდამსხმელმა, 23 წლის კაცმა, რომლის ცხედარიც იქვე იპოვეს, მკვლელობის შემდეგ თავიც მოიკლა. დანაშაულის ზუსტი მოტივი გამოძიებამ უნდა დაადგინოს.
პოლიციის ცნობით, აქამდე, ეჭვმიტანილსა და ოჯახსა შორის დაპირისპირების რაიმე ფაქტი არ აქვთ.
კომენტარები