მას შემდეგ, რაც „ქართული ოცნების” თავმჯდომარემ ირაკლი კობახიძემ „მთავარი არხის” ჟურნალისტს შეურაცხმყოფელი სიტყვებით მიმართა, საპარლამენტო უმრავლესობის ლიდერს სოლიდარობა გამოუცხადა ფრაქცია „ქართული ოცნების” წევრმა გივი მიქანაძემ.
„ჩემი სრული მხარდაჭერა ირაკლი კობახიძეს, ადამიანს რომელიც არის გამორჩეული ლიდერი, პროფესიონალი და ამ ქვეყნის დიდი პატრიოტი. ჩემთვის პატივია ვიყო იმ გუნდის წევრი, რომელსაც ირაკლი ხელმძღვანელობს.
სრულიად მიუღებელია როგორც ოჯახის წევრების შეურაცხყოფა, ასევე ჩვენი ქვეყნის დამაზიანებელი არახამიას ნათქვამის საერთოდ გამეორება და ასეთი ფორმით.
ეს ის შემთხვევაა, როდესაც ნებისმიერ ადამიანს ვერ მოთხოვ თმენის ვალდებულებას. ერთი წამით დაფიქრდით, ჩაიყენეთ თქვენი თავი ირაკლის ადგილას და მერე გამოიტანეთ დასკვნები”, – წერს „ფეისბუკის” პირად გვერდზე მიქანაძე.