ეს არ არის მხოლოდ ბიჭვინთის, არამედ მთლიანად აფხაზეთის პრობლემა, რომელიც ოკუპირებულია უცხო ქვეყნის მიერ, – ამის შესახებ საქართველოს პარლამენტის თავმჯდომარე შალვა პაპუაშვილმა განაცხადა.
„ჩვენ რასაც ვხედავთ, ეს არის სწორედ ოკუპაციის შედეგი. ეს არ არის მხოლოდ ბიჭვინთის, არამედ მთლიანად აფხაზეთის პრობლემა, რომელიც ოკუპირებულია უცხო ქვეყნის მიერ. აქაც, გამოსავალი არის გაძლიერებულ საერთაშორისო ზეწოლაში და იმაში, რომ ჩვენს აფხაზ ძმებს და დებს ვაჩვენოთ, რა პერსპექტივა აქვთ მათ ერთიან საქართველოში“, – აცხადებს პაპუაშვილი.
ბიჭვინთის სახელმწიფო აგარაკის შესახებ შეთანხმების პროექტით, 186 ჰექტარი მიწა და საზღვაო სივრცის 115 ჰექტარი რუსეთის ფედერაციის მფლობელობაში გადადის. ყველა შენობა-ნაგებობა რუსეთის ფედერალური დაცვის სამსახურის საკუთრება ხდება, ხოლო შავი ზღვის აკვატორია მიმდებარე მიწებით რუსეთს 49- წლიანი იჯარით გადაეცემა.