ფოლკლორულ ანსამბლ „ხარებას” მომღერალი და გურჯაანის სახელმწიფო თოჯინების თეატრის მსახიობი უჩა ვალიშვილი 35 წლის ასაკში გარდაიცვალა. ინფორმაციას მისი მეგობრები ავრცელებენ სოციალურ ქსელში.
არსებული ინფორმაციით, უჩას რამდენიმე თვის წინ შეექმნა ჯანმრთელობასთან დაკავშირებული პრობლემები. მას თურქეთსა და საქართველოში ჩაუტარდა ორი ურთულესი ოპერაცია კუჭზე. ჯანმრთელობის მდგომარეობის უკიდურესად დამძიმების გამო, დაუყოვნებლივ გადაიყვანეს თურქეთში და ამ დრომდე იქ მკურნალობდა. უჩას დასახმარებლად მთელი გურჯაანი გაერთიანებული იყო, აგროვებდნენ თანხას და ჩატარდა სხვადასხვა აქციაც.
მას მეუღლე და სამი შვილი დარჩა.
სოციალურ ქსელში უჩას მეგობრები გულისტკივილს გამოთქვამენ:
„ყველაფერმა დაკარგა აზრი.. ვერ ვიჯერებ უჩი, რომ მიგვატოვე, უბრალოდ კარგი ადამიანი არა, უჩა იყო განსაკუთრებული“
„ასე არ უნდა მომხდარიყო კარგო ადამიანო, მიჭირს დაჯერება.. უფალმა ნათელში ამყოფოს შენი ლამაზი სული ყოველთვის ცოცხალი იქნები ჩვენს გულში“
„უჩი ჩემო ძმაო მაგრად მომენატრები, ვერ ვიჯერებ, რომ შენ ტკბილ ხმას ვეღარ გავიგებ. რომ მეუბნებოდი, გური როდის ჩამოხვალ ჩვენთან, ლუკა რომ ჩამოვა შენ გამოყევიო, როგორ ვხალისობდით ერთად და როგორ ვილხენდით, მაგარი ძმა იყავი ჩემთვის და სულ ჩვენ გულებში იქნები მუდამ, მაგრად მომენატრები“
„ჩვენ ამ დიდ ომში ყველა ერთად დავმარცხდით
ამის უფლება არ გქონდა.ჩემი ნინი ასე არ უნდა გაგეწირა, შენ სამ შვილს რა ვუთხრათ
სული მეწვის
უჩი მიყვარხარ“