ბობოყვათის სამკერვალოში, სავარაუდოდ, ბუნებრივმა აირმა გაჟონა. ტექსტილის სამკერვალოში 2000-მდე ადამიანია დასაქმებული. საწარმოს 30 თანამშრომელს ინტოქსიკაცია აღენიშნება, ისინი სამედიცინო დაწესებულებაში გადაიყვანეს და პირველადი დახმარება აღმოუჩინეს, მათგან სამი რეანიმაციაშია მოთავსებული. საწარმოში ევაკუაცია გამოცხადდა და სამუშაო პროცესი, უკვე ორ საათზე მეტია შეჩერებულია.
ამ დროისთვის ადგილზე მობილიზებულები არიან შესაბამისი ტექნიკური სამსახურები და სამართალდამცველები. ტერიტორია დეტალურად შეამოწმეს, კომპანია „სოკარ გაზის“ წარმომადგენლებმა. სავარაუდო მიზეზად, ბუნებრივი აირის გაჟონვა სახელდება. თუმცა ამ ფაქტს უარყოფენ, როგორც საწარმოს ხელმძღვანელები, ასევე, „სოკარ ჯორჯიას“ წარმომადგენლები. მათი განმარტებით, საწარმოს, ბუნებრივი აირი ზაფხულში არ მიეწოდება.