რომ არ დასმულიყო კითხვები ასე საზოგადოდ და საჯაროდ, პრინციპულად, სამწუხაროდ, ჩვენ ვნახეთ, რომ ელჩი არიდებდა თავს კითხვებზე პასუხების გაცემას. შემდგომ დადასტურდა, რომ თურმე ეს შეხვედრა შედგა, – ამის შესახებ დამოუკიდებელმა დეპუტატმა გურამ მაჭარაშვილმა „ქრონიკასთან“ განაცხადა.
მისივე თქმით, აშშ-ის ელჩი, ომის რიტორიკას საჯაროდ უდნა გაემიჯნოს.
„ჩვენ, პირიქით, ვუფრთხილდებით, საქართველო-აშშ და საქართველო-ევროკავშირის ურთიერთობებს. თუკი ელჩი ინტერესდება, რა კანონებს მივიღებთ ქვეყანაში, როგორი იქნებოდა კანონმდებლობაში ესა თუ ის ცვლილება და ა.შ., თუკი ასეთი დეტალებით ინტერესდება, იმით რატომ არ უნდა დაინტერესდეს, როდესაც საზოგადოებას და საზოგადოების მიერ არჩეულ დეპუტატებს აინტერესებთ – ხომ არ იყო რაიმე ტიპის შეკითხვის ფორმა, მოწოდება, სანქციებთან დაკავშირებით. პირდაპირ ომის დაწყებაზე არაა საუბარი, ვთქვათ, მობილიზება იმასთან დაკავშირებით, რომ გავაგზავნოთ დამხმარე ხალხი უკრაინაში და ა.შ. – ამაზეა საუბარი. რატომ არ შეიძლება ელჩი გაემიჯნოს ომის რიტორიკას, რომელიც არის საჯარო. ჩვენ კი არ ვიგონებთ; ქალბატონი ლომჯარია, ქალბატონი გიგაური, ბატონი ჭიაბერაშვილი, აღარ ვამბობ ჩვენ უკრაინელ თანამდებობის პირებზე, რომლებიც ამბობენ, რომ დაიწყეთ ომი, სააკაშვილი რომ იყოს დაიწყებდაო. სახალხო დამცველს, ამბობს, რომ ბომბები ჯობია ჩამოვარდეს ვიდრე ღირსება შეგველახოსო. საინტერესოა ისე თვითონ სად იქნება ბომბები რომ ჩამოვარდეს საქართველოში, ეს კიდევ მეორე საკითხია. ამას გაემიჯნოს. თუკი ჩვენ ვამბობთ და ისიც გვეთანხმება, რომ ეს არის რუსული პროპაგანდა, კი ბატონო და მაშინ გავემიჯნოთ.
4 წელი, 2008 წლიდან 2012 წლამდე, ეგენი იყვნენ ხელისუფლებაში, მაშინ რატომ არ შევიდნენ აფხაზეთში, მაშინ არ იყო აფხაზეთი ოკუპირებული? რუსეთის ჯარები 2008 წლიდან 2014 წლამდე შედარებით სუსტად იყო ვიდრე ბოლო პერიოდში. ე.ი ამათ აფხაზეთის შემოერთების დარდი კი არ აქვთ, აქვთ იმის დარდი, რომ როგორმე მოხდეს საქართველოში არეულობა“, – განაცხადა მაჭარაშვილმა.