კინორეჟისორი გოგა ხაინდრავა საქართველოში ამერიკის შეერთებული შტატების ყოფილი ელჩის, ჯონ ტეფტის განცხადებას ეხმაურება.
“შეერთებული შტატების ყოფილი ელჩი საქართველოში, ჯონ ტეფტი აცხადებს, რომ საღ აზრს და ყოველგვარ საფუძველს მოკლებულია, საქართველოში გარკვეული პირების მხრიდან, „მეორე ფრონტის“ შესახებ მიმდინარე რიტორიკა.
ეს რიტორიკა უკრაინის ხელისუფლებიდან მოედინება საქართველოში! აქ კი კონკრეტული პირები მას არ უარყოფენ, რაც ნამდვილად მოკლებულია საღ აზრს მსტ. ტეფტ! ისევე, როგორც ელჩობისას, თქვენი პოზიცია სააკაშვილის მიერ გაყალბებულ საპრეზიდენტო არჩევნებთან მიმართებაში. თუ დაგავიწყდათ გაგახსენებთ”- წერს ხაინდრავა სოციალურ ქსელ Twitter-ში.
ცნობისთვის, შეერთებული შტატების ყოფილი ელჩი საქართველოში, ჯონ ტეფტი „ამერიკის ხმასთან“ საუბრისას აცხადებს, რომ საღ აზრს და ყოველგვარ საფუძველს მოკლებულია, ზოგიერთი ადამიანის მოსაზრება იმის შესახებ, თითქოს, შეერთებულ შტატებს საქართველოში ომის მეორე ფრონტის გახსნა სურს.
“ზოგიერთები საქართველოში რატომღაც ფიქრობენ, რომ ამერიკას მეორე ფრონტის გახსნა სურს. ეს ყველანაირ საფუძველს მოკლებული არგუმენტია. ყოველ შემთხვევაში, იქიდან გამომდინარე, რაც მე რუსეთის ომთან დაკავშირებით, ადმინისტრაციის პოლიტიკის შესახებ ვიცი… როცა ადამიანები ამბობენ, რომ შეიძლება რაღაც სხვა ხდება, ჩემთვის ეს საღ აზრს მოკლებული განცხადებებია. არ მესმის, საიდან მოდის ეს ყველაფერი, რადგან ამის შესახებ აქ, ვაშინგტონში ნამდვილად არაფერი მსმენია და მე მჭიდრო კავშირი მაქვს უამრავ ადამიანთან, როგორც მთავრობაში, ასევე მის გარეთ“ – აცხადებს ტეფტი.