“ქართული ოცნების” დეპუტატი გივი მიქანაძე იმედოვნებს, რომ ევროკომისიის 12 პუნქტთან დაკავშირებით, ოპოზიციის ის ნაწილი, რომელიც ხელისუფლების მიერ ორგანიზებულ პარლამენტის სამუშაო ჯგუფში არ ერთვება, პოზიციას შეიცვლის და “კონსტრუქციულ რეჟიმზე გადავა.”
”ამ პროცესს, სამწუხაროდ, “ნაციონალურმა მოძრაობამ” და მასთან დაკავშირებულმა პარტიებმა, როგორიც არის “ლელო” და “სტრატეგია აღმაშენებელი” საბოტაჟი გამოუცხადეს. საბოტაჟი გამოუცხადეს არამხოლოდ იმ პროცესს, რომელიც პარლამენტში ძალიან ჯანსაღად მიმდინარეობს, არამედ გამოუცხადეს ევროკომისიის მიერ შემოთავაზებულ გეგმას. მათ გადაწყვიტეს თავისებური რაღაც კვაზი სტრუქტურის შექმნა და ამ პროცესის თავისებურად წარმართვა. ჩვენ იმედს ვიტოვებთ, რომ რადიკალურ ოპოზიცია გონს მოეგება და იმ კონსტრუქციულ რეჟიმზე გადავა, რომელიც არის ამ 12-პუნქტიანი გეგმის პირველი პუნქტის მოწოდება, რაც დეპოლარიზაციას ეხება,” – განაცხადა გივი მიქანაძემ.