ბუნებრივია, დაცვის მხარის, ადვოკატების სტრატეგია არის რომ, პირველ რიგში, მიხეილ სააკაშვილის გადაყვანა მოხდეს საზღვარგარეთ შესაბამის ჰოსპიტალში და გამოჯანმრთელდეს _ ამის შესახებ “ნაციონალური მოძრაობის” თავმჯდომარემ ნიკა მელიამ განაცხადა.
“მე მგონი გასაკვირი არ არის ადამიანისგან, რომლის ჯანმრთელობის მდგომარეობა კრიტიკასაც კი ვერ უძლებს, გამომდინარე იმ მრავალთვიანი, არაადამიანური მოპყრობის შედეგად, რაც მან საკუთარ ჯანმრთელობაზე იწვნია. ის პირველ რიგში საჭიროებს გამოჯანმრთელებას. ბუნებრივია, დაცვის მხარის, ადვოკატების სტრატეგია არის რომ, პირველ რიგში, მიხეილ სააკაშვილის გადაყვანა მოხდეს საზღვარგარეთ შესაბამის ჰოსპიტალში და გამოჯანმრთელდეს. როდესაც ადამიანი არის უმძიმეს ჯანმრთელობის მდგომარეობაში, რატომ ისმის კითხვა, რომ ასეთ მდგომარეობაში მყოფი ადამიანი ვერ იქნება და არც უნდა იყოს მოფიქრალი პოლიტიკურ პროცესებზე. ამ ყველაფერს მივესალმებით, მისი სიცოცხლე და ჯანმრთელობა რისკის ქვეშ დგას”, – განაცხადა ნიკა მელიამ.