გირჩის“ წევრის, იაგო ხვიჩიას განცხადებით, პოლიტიკოსები მიხეილ სააკაშვილს პოლიტიკიდან წასვლაში უნდა დაეხმარონ.
მისივე თქმით, ამით, „ნაციონალურ მოძრაობას“ გაუჩნდება შანსი, მართლა პარტია გახდეს“.
„პოლიტიკოსებმა, და განსაკუთრებით, მიხეილ სააკაშვილის თანაპარტიელებმა, ყველაფერი უნდა გავაკეთოთ იმისთვის, რომ მიხეილ სააკაშვილს პოლიტიკიდან წასვლაში დავეხმაროთ. ეს ყველასთვის უკეთესი იქნება. ამ პოლარიზებულ ქვეყანაში, შუღლის ნაცვლად, მშვიდობის ჩამოგდება თუ გვინდა, უკიდურესად აუცილებელია, რომ მიხეილ სააკაშვილს პოლიტიკიდან წასვლის მიზნის მიღწევაში დაბრკოლებები არ შეექმნას. „ნაციონალურ მოძრაობას“ გაუჩნდება შანსი, გახდეს მართლა პარტია, გაჩნდეს პარტიის შიდა დისკუსიები, მსჯელობები, განსხვავებული შეხედულებები, გამოუკვეთონ ადამიანები, რომელთან შეთანხმება შესაძლებელია და ამ შეთანხმებას ფასი აქვს. ახლა „ნაციონალური მოძრაობა“ არის პარალიზებული ორგანიზაციული წარმონაქმნი, რომელიც, რიგი მიზეზების გამო, ვერაფერს აკეთებს“, – განაცხადა იაგო ხვიჩიამ.
მიხეილ სააკაშვილის ადვოკატმა, ვალერი გელბახიანმა „ქრონიკას“ განუცხადა, რომ ყოფილი პრეზიდენტი ქართულ პოლიტიკაზე უარს ამბობს და „ნაციონალურ მოძრაობასთან“ კავშირს წყვეტს.