ალექსეი დანილოვი არის ჩვენი ოპონენტების ერთ-ერთი რუპორი. ძალიან მნიშვნელოვანია, რომ ასეთ დროს ადამიანები გაემიჯნონ შესაბამის განცხადებებს, თუმცა ეს ხშირად არ ხდება ხოლმე, – ამის შესახებ ჟურნალისტებს „ქართული ოცნების“ თავმჯდომარემ, ირაკლი კობახიძემ განუცხადა.
„ალექსეი დანილოვი არის ჩვენი ოპონენტების ერთ-ერთი რუპორი. ჩვენ ხშირად ვამბობთ, რომ არის ჩვეულებრივი ომის რიტორიკა. ეს მომდინარეობს კონკრეტული ადამიანების მხრიდან, რომლებიც დაკავშირებული არიან ჩვენს ოპონენტებთან. ძალიან მნიშვნელოვანია, რომ ასეთ დროს ადამიანები გაემიჯნონ შესაბამის განცხადებებს, თუმცა ეს ხშირად არ ხდება ხოლმე“, – აცხადებს კობახიძე.
უკრაინის ეროვნული უსაფრთხოებისა და თავდაცვის საბჭოს მდივნის, ალექსეი დანილოვის განცხადებით, ის დღესაც თვლის, რომ თუ საქართველო ოკუპირებულ რეგიონებს თავის ტერიტორიებად მიიჩნევს, შეუძლია, საკუთარი მიწები დაიცვას.