თურქეთი მხარს უჭერს უკრაინის ტერიტორიულ მთლიანობას და არ აღიარებს ყირიმის უკანონო ანექსიას, – განაცხადა თურქეთის პრეზიდენტმა, რეჯეფ თაიფ ერდოღანმა „ყირიმის პლატფორმის“ მეორე სამიტზე სიტყვით გამოსვლისას.
„ყირიმის დაბრუნება უკრაინაში, რომლის განუყოფელი ნაწილიცაა, საერთაშორისო სამართლის მოთხოვნაა“, – აღნიშნა რეჯეფ თაიფ ერდოღანმა.
თურქეთის პრეზიდენტის თქმით, ანკარა გააგრძელებს ყირიმის პლატფორმის მხარდაჭერას, რომელიც ყირიმის საკითხის მშვიდობიანი გზით გადასაჭრელად შეიქმნა.
„თურქეთი არ ცნობს ყირიმის ანექსიას და პირველივე დღიდან ღიად აცხადებს, რომ ეს ნაბიჯი უკანონოა. ეს არის პრინციპული პოზიცია, რომელსაც არა მხოლოდ სამართლებრივი, არამედ მორალური საფუძველიც აქვს“, – განაცხადა თურქეთის ლიდერმა.
კომენტარები