ნატოს გენერალური მდივნის, იენს სტოლტენბერგის განცხადებით, უკრაინის მხარდაჭერა გაგრძელდება იმდენ ხანს, რამდენიც საჭირო იქნება. ამის შესახებ მან „ყირიმის პლატფორმის“ მეორე სამიტზე სიტყვით გამოსვლისას განაცხადა.
„ჩვენ უკრაინასთან პარტნიორობის ერთგულები ვართ, დავეხმარეთ მათ ნატოს სტანდარტებზე გადასვლაში. ზამთარი მძიმე იქნება. ჩვენ ვხედავთ, რომ მიმდინარეობს დამქანცველი ომი. ეს არის ნებისყოფის, ლოგისტიკის ბრძოლა, ამიტომ უნდა გავაგრძელოთ უკრაინის მხარდაჭერა. ძლიერი და სტაბილური უკრაინა ევროატლანტიკური უსაფრთხოების საწინდარია. აქტიურად მოვუწოდებ ლიდერებს, რაც შეიძლება სწრაფად უკრაინას რაც შეიძლება მეტი შეიარაღება მიაწოდონ“, – განაცხადა სტოლტენბერგმა.
კომენტარები