“ცოტა ძილქუში დავინახე და უკმაყოფილებაც გამოვთქვი – ვისაც ეწყინა ცივი, ყინულიანი წყალი მოუხდება”

თუ პარლამენტში ვართ, 12 პუნქტთან დაკავშირებით კიდეც უნდა ვისაუბროთ, თუ არ ვართ უნდა „გამოვეხვეტოთ“და ვიყოთ ქუჩაში, – ამის შესახებ პარტია „კანონი და სამართლის“ ლიდერმა თაკო ჩარკვიანმა „ქრონიკას“ განუცხადა.

„ზურაბ ჯაფარიძის საბოტაჟი საერთოდ ვერ გავიგე, რადგან პარტიზანულ ომებს წინასწარ არ აანონსებენ. მე ცოტა ძილქუში დავინახე [ოპოზიციაზე] და უკმაყოფილებაც გამოვთქვი, ეწყინათ – ზაფხულია და ცივი, ყინულიანი წყალი მოუხდება ვისაც ეწყინა. ახლა წყენის დრო არ არის, ჩემი მიზანია 12 პუნქტი მივიღოთ“, – განაცხადა თაკო ჩარკვიანმა.

„გირჩი-მეტი თავისუფლების“ ლიდერმა ზურაბ ჯაფარიძემ, ტელეკომპანია „ფორმულას“ ეთერში განაცხადა, რომ მასობრივი პროტესტის შემთხვევაში ბევრი ნაბიჯის გადადგმა შეიძლება, მათ შორის შენობების აღება.