ჩვენი პარტნიორი არის თითოეული მოქალაქე, ძალიან შემცდარა ნიკა მელია თუ ერთ-ერთი პარტია ჰგონია მხოლოდ პარტნიორი, – ამის შესახებ ოპოზიციონერმა დეპუტატმა, თაკო ჩარკვიანმა „ნაციონალური მოძრაობის“ ლიდერის, ნიკა მელიას განცხადებაზე კომენტირებისას აღნიშნა.
როგორც თაკო ჩარკვიანმა განაცხადა, პარტნიორი არის თითოეული ამომრჩეველი და ასე პროვოკატორად მოხსენიება ძალიან ცუდი ტენდენციაა.
„ნიკა მელია ცდება იმაში პარტნიორი არ ჰგონია საქართველოს ყველა მოქალაქე. ჩემთვის პარტნიორი არის თითოეული ამომრჩეველი და ასე პროვოკატორად მოხსენიება ძალიან ცუდი ტენდენციაა, რადგან იქ შეიძლება ყოფილიყვნენ მიხეილ სააკაშვილის მომხრეები, ასევე სხვა ადამიანები. ვურჩევდი ოპოზიციის ყველა ლიდერს, რომ ცოტა ფრთხილად ისაუბრონ როდესაც მოქალაქეებზე და აქტივისტებზე არის საუბარი. პოლიტიკოსებს მეტი ლექსიკის გამოსწორება მართებთ. სამომავლოდ ეს ძალიან ცუდი ტენდენციაა, მე ძალიან არ მომეწონა ეს საქციელი. მე ძალიან არ მომეწონა არც ნიკას გამოსვლა. ნიკას გამოსვლა ხშირად არ მომწონს, რასაც ვერ ვიტყოდი მამუკა ხაზარაძეზე, მისგან უფრო არ ველოდებოდი, რადგან ის თითქოს უფრო ტაქტით გამოირჩევა.
პოლიტიკოსი რომ დაიწყებს ამომრჩეველთან, მოქალაქესთან გამიჯვნას, ამაზე უფრო დიდი სიბეცე არ არსებობს. ჩემთვის ეს არის არათუ შეცდომა, თუ ის ასე ემიჯნება, საერთოდაც არ მინდა მაშინ მისი დანახვა იმ ადგილას სადაც არის, მაგრამ ამას ამომრჩეველი გადაწყვეტს და მისი ამომრჩეველი მიუჩენს ადგილს, ვისაც ემიჯნება. დიდი ხანია, უკვე ვატყობთ ნიკას, რომ ემიჯნება და ვის ემიჯნება, ამომრჩეველს, ხალხს? ოპოზიციაში მყოფი აქტივისტი ზოგი ასე გამოხატავს, ზოგი ისე გამოხატავს. იმ ქალბატონს არავისთვის არ ჩაურტყამს არაფერი, პლაკატით იდგა, რაში მაინტერესებს ვინ არის, რაში გამოიხატება პროვოკაცია, იმაში რომ თავისი ლიდერის უკრაინის მოქალაქის, რუსეთთან დაპირისპირებული საქართველოს პრეზიდენტის პლაკატი ეჭირა ხელში? კარგად გვქონია საქმე ჩვენ თუ ამომრჩევლებს ასე უნდა მოვექცეთ, ჩემთვის ეს არის სრულიად მიუღებელი და ჩემი რჩევა იქნებოდა, რომ რაღაცნაირად ნუ აიჭრებიან და დალაგდეს ეს ყველაფერი.
პირადად მე ნიკა მელია მინდა, რომ გავმიჯნო იმ საუკეთესო ამომრჩევლისგან, რასაც ჰქვია „ნაციონალური მოძრაობის“ ამომრჩეველი, ეს არის ჩემი პასუხი. მას უნდა, რომ გამიჯნოს ხალხი და მე ნიკა მელია მინდა, რომ გავმიჯნო „ნაციონალური მოძრაობის“ ასაუკეთესო მომრჩევლებისა და აქტივისტებისგან, რომლებიც დაუღალავად იდეისთვის იბრძვიან“, – განაცხადა თაკო ჩარკვიანმა.