შაბათ ღამეს, უკრაინის ქალაქ ხარკოვის ორ რაიონზე რუსულმა ძალებმა სარაკეტო იერიში მიიტანეს. წინასწარი მონაცემებით, მსხვერპლი არ არის.
ინფორმაციას ხარკოვის მერი, იგორ ტერეხოვი საკუთარ ტელეგრამ არხზე ავრცელებს:
„სარაკეტო იერიში ხარკოვზე. დარტყმის ქვეშაა ქალაქის ცენტრალური ნაწილი, ოსნოვიანსკისა და კიევის რაიონები. წინასწარი მონაცემებით, მსხვერპლი არ არის“.
ტერეხოვის ინფორმაციით, იერიშის შედეგად დაზიანდა ქალაქის ისტორიული შენობა – ვაჭარ ადამ პიოტროვის სახლი და ასევე სკოლა ხარკოვის ცენტრში.
რუსეთის შეიარაღებულმა ძალებმა ხარკოვზე სარაკეტო იერიში მიიტანეს რამდენიმე დღის წინაც. დარტყმა განხორციელდა ხარკოვის ერთ-ერთ საცხოვრებელ კორპუსზე, რასაც 17 ადამიანის სიცოცხლე ემსხვერპლა.
კომენტარები