საკანონმდებლო ორგანო ევროკომისიის 12 რეკომენდაციაზე, ინტენსიურად, მიმდინარე კვირაშიც იმუშავებს. უმრავლესობის წევრები საკითხების განხილვას, უწყვეტ რეჟიმში, კონსტრუქციულ ოპოზიციასთან ერთად განაგრძობენ. საპარლამენტო უმრავლესობის წევრის, მიხეილ სარჯველაძის განცხადებით, ოპოზიციის დანარჩენი ნაწილი კვლავ პოლარიზაციას ცდილობს და, ალტერნატიული სამუშაო ჯგუფების შექმნით, პროცესს აფერხებს.
„მეტად მნიშვნელოვანი და სერიოზული სამზადისია საიმისოდ, რომ შეხვედრიდან შეხვედრამდე მომზადებული, რაღაც კონკრეტული ინიციატივებით წარვდგეთ ჩვენს პარტნიორებთან. ეს არ არის ალტერნატიული ჯგუფი, ეს არის უბრალოდ გაბუტული ხალხი, რომელმაც საკუთარი ფუნქციების შესრულებასა და საკუთარ ამომრჩევლებს გამოუცხადა ბოიკოტი“, – აცხადებს მიხეილ სარჯველაძე.
რადიკალური ოპოზიციის წევრების თქმით, ისინი 6 სექტემბერს პარლამენტში საკუთარ შეთავაზებებსა და საკითხებს წარადგენენ.