კომპანია იჯიფთ ეარის სამგზავრო თვითმფრინავის კატასტროფის ახალი დეტალები ვრცელდება.
გავრცელებული ცნობით, ლაინერის ჩამოვარდნამდე სალონში გაკვამლიანების განგაში ჩაირთო. თავდაპირველად დეტექტორი თვითმფრინავის ერთ-ერთ ტუალეტში, ერთი წუთის შემდეგ კი რადიოელექტრონულ განყოფილებაში ამოქმედდა.
ეარბასთან კავშირი განგაშის ჩართვიდან 4 წუთში გაწყდა. ამის გამო ექსპერტები ფიქრობენ, რომ ავიაკატასტროფის გამომწვევ მიზეზს შორის ტექნიკური გაუმართაობა არ უნდა გამოირიცხოს.
კომპანია იჯიფთ ეარის კუთვნილი ეარბას-320 პარიზიდან კაიროში მიფრინავდა, ბორტზე კი 12 ქვეყნის 66 მოქალაქე იმყოფებოდა. თვითმფრინავის ფრაგმენტები და ცხედრები ნაწილები სამაშველო ჯგუფებმა ხმელთაშუა ზღვაში იპოვეს.
კომენტარები