გერმანიის კანცლერმა, ოლაფ შოლცმა უარყო უკრაინის პრემიერ-მინისტრის, დენის შმიგალის მოთხოვნა უკრაინისათვის დამატებით მძიმე შეიარაღების მიწოდების შესახებ. ინფორმაციას ამის შესახებ გერმანული გამოცემა Die Welt-ი უკრაინის სამთავრობო წყაროებზე დაყრდნობით ავრცელებს.
როგორც გერმანული გამოცემა იუწყება, საუბარი იყო ყველაზე თანამედროვე გერმანული ტანკების, Leopard 2-ის მიწოდებაზე. გერმანული კომპანია Krauss-Maffei Wegmann-ი მზად იყო, კიევისთვის Leopard 2A7-ის 100 ტანკი მიეწოდებინა.
წყაროს ინფორმაციით, ოლაფ შოლცი ზოგადი და ბუნდოვანი იყო შმიგალთან საუბარში. კანცლერმა აბსოლუტურად არ გამოთქვა სურვილი შეეცვალა თავისი ნეგატიური პოზიცია ტანკების მიწოდებასთან დაკავშირებით.
გამოცემა Die Welt-ის მოთხოვნის საპასუხოდ, შოლცის მთავრობამ განაცხადა, რომ ისინი აგრძელებენ უკრაინის მხარდაჭერას როგორც სამხედრო, ასევე პოლიტიკური, ფინანსური და ჰუმანიტარული თვალსაზრისით.